Cette page n’a pas encore été corrigée
Reguard aveit angelïel
1532 E tut le cors celestïel ;
N’est si blance neifs ne clere
Cumme li peilz d’icest frere.
Dist lui Brandans :’Beal pere chers,
1536 Di mei qui es.’Cil :’Volunters !’Jo ai nun Pols li hermites.
De tuz dolurs sui ci quites.
Ci ai estét grant e lunc tens,
1540 E ça m’en vinc par Deu asens.
El secle fui hermite en bois :
Cele vie pris en mun cois ;
Secund le sens que aveie poi,
1544 Deu serveie si cume soi.
Il le cuilit par sa buntét,
Qu’a plus que n’est le m’at cuntét.
La me mandat que ci venisse
1548 U ma glorie attendisse.
Cument i vinc ? En nef entrai
Tute preste cum la truvai ;
Deus me cunduist tost e süef ;
1552 Quant arivai, ralat la nef.
