Cette page n’a pas encore été corrigée
Siglet Brandan icele part ;
1076 Ainz que venget semblet lui tart.
Sigle levét entret en tref
Od ses munies e od sa nef.
D’esmaragde veit un alter
1080 U li pilers descent en mer ;
Li sacraires fud sardoine,
Li pavemenz calcedoine ;
Enz el piler fermét aveit
1084 Tref de fin or : ço susteneit ;
E les lampes sunt de beril.
Cil ne crement nul peril ;
Ici estunt desque ai.iii. jurn ;
1088 Messes chantent tuit al lur turn.
Brandans en prent purpens en sei
Ne deit querre le Deu secrei ;
Dist as muines :’Creés mun sen :
1092 Toluns d’ici, alum nus en !’Un chaliz mult festival
Prent l’abes tut de cristal ;
Bien set de Deu ne resortet,
1096 Pur servir l’en quant le portet.
