Cette page n’a pas encore été corrigée
Devant eals unt dulz e blanc pain
700 Bien savurét e forment sain.
Racines unt en lu de mes,
Qui sur deintez saülent les.
Puis unt beivre mult savurét :
704 Aigue dulce plus de murét.
Quant sunt refait, levét s’en sunt
E verseilant al muster vunt.
Vunt verseilant miserere
708 Desque en estals tuit li frere
Fors iceals qui servirent ;
En refreitur cil resirent.
Quant l’eschele fud sonee,
712 Puis que l’ure fud chantee,
L’abes del leu fors les meinet.
D’els e del leu lur enseignet :
Qui sunt, cument, des quant i sunt,
716 De qui, par qui succurs unt :’Nus sumes ci vint e.iiii. ;
Ci conversum en cest atre.
Uitante anz ad que prist sa fin
720 A saint Albeu li pelerin.