Cette page n’a pas encore été corrigée
lur nef amunt
Reposent sei quar lassét sunt.
Puis dist l’abes :’Eisums fors ;
640 Querums que seit mester as cors.’Eisent s’en tuit uns e uns,
L’abes ovoec ses cumpaignums ;
E funtaine trovent duble,
644 L’une clere, l’autre truble.
Vunt i curant cum sedeillus.
Dist lur l’abes :’Retenez vus !
Prendre si tost jo vus defent
648 D’ici que avum parlé od gent.
Quel nature nus ne savum
Aient li duit que trovét avum.’Les diz l’abét, cil les crement,
652 E lur mult grant seif, le prement.
Hastivement e nun a tart,
Ast vus currant un grant veilard.
Poür oussent ne fust l’abit,
656 Quar moines ert ; mais rien ne dit.
