Cette page n’a pas encore été corrigée
Humaine gent unches anceis
N’i enveiat li suvereins reis.
Dunc dist le abes :’Avez oïd
564 Cum cist angele nus unt goïd ?
Loëz Deu e gracïez,
Plus vus aimet que ne quïez !’La nef laisent en l’ewage
568 E mangerent al rivage ;
E puis chantent la cumplie
Od mult grant psalmodie.
Puis enz as liz tuit s’espandent
572 E a Jesu se cumandent.
Dorment cum cil qui sunt lassét
E tanz perilz qui unt passét.
Mais nepurtant a chant de gals
576 Matines dïent ainzjurnals,
E as refreiz ensemble od eals
Respunt li cors de cez oisals.
