Cette page n’a pas encore été corrigée
Primes le fist li reis divins
Devant trestuz pessuns marins.’Quant out ço dist l’abes Brandan,
480 Bien ad curut de mer un grant pan.
Veient terre alte e clere,
Si cum lur out dist cil frere.
Venent i tost e arivent,
484 Ne de l’eisir ne s’eschivent,
Ne pur altre rien ne dutent,
Mais a terre la nef butent.
Amunt un duit s’en vunt süef
488 E od cordes traient lur nef.
Al chef del duit out une arbre
ltant blanche cume marbre,
E les fuiles mult sunt ledes,
492 De ruge e blanc taceledes.
De haltece par vedue
Muntout le arbre sur la nue ;
