Cette page n’a pas encore été corrigée
Eissi vait qui Deus meine.
440 Terre prennent e sanz peine.
Eissent s’en fors tuit li frere
Fors sul l’abes qui enz ere.
Beal servise e mult entrin
444 Firent la nuit e le matin.
Puis que unt tut fait lur servise
En la nef cum en eglise,
Charn de la nef qu’il i mistrent,
448 Pur quire la dunc la pristrent.
De la busche en vunt quere
Dunt le manger funt a terre.
Cum li mangers fud cunrëez,
452 Dist li bailis :’Or asëez !’Dunc s’escrïent mult haltement :’A ! donz abes, quar nus atent !’Quar la terre tute muveit
456 E de la nef mult se luigneit.
Dist li abes :’Ne vus tamez,
Mais Damnedeu mult reclamez !
