Cette page n’a pas encore été corrigée
Que cumandat, iço fait unt,
404 E par tres dis ileoc estunt.
Al samadi lur vient uns mes,
De la part Deu salüet les.
Peil out chanut, oilz juvenilz :
408 Mult out vescut sanz tuz perilz.
Pain lur portet de sun païs :
Grant e mult blanz guasteus alis ;
E si lur falt nule rien,
412 Tut lur truverat, ço promet bien.
L’estre d’iloc l’abes anquist.
Ne sai s’osat, mais poi l’en dist ;
Ço respundit :’Asez avum
416 Quanque des quers penser savum.’E dist l’abes :’Berbiz ad ci,
Unc en nul leu tant grant ne vi.’Respunt lui cil :’N'est merveille :
420 Ja ci n’ert traite öeile ;
L’ivers n’en fait raëncune,
Ne d’enfertét n’i mort une.
