Cette page n’a pas encore été corrigée
Quar quant ço Deus li volt mustrer,
Sur ço n’estout cirge alumer.
Treis jurs enters i sujurnerent
328 E puis al quart s’en turnerent.
Brandans lur dist :’Seignurs, vus pri,
Ne portez rien od vus d’ici,
Neïs un puint de cest cunrei,
332 N’enteins l’aigue pur nule sei.’Forment plurant dist as freres :’Vedez, seignurs, cist est leres.’Cil aparceut que l’abes sout
336 Del larecin, cument il l’out
Cunuit ; a tuz confés se rent,
As pez le abét mercit atent.
Dist lur abes :’Prïez pur lui ;
340 Vus le verrez murrir encui.’Devant trestuz tuz veables
Eisit criant li dïables :’Cheles, Brandan, par quel raisun
344 Gettes mei fors de ma maisun ?’
