Cette page n’a pas encore été corrigée
Vait s’en Brandan vers le grant mer
U sout par Deu que dout entrer.
Unc ne turnat vers sun parent :
En plus cher leu aler entent.
Alat tant quant terre dure ;
Del sujurner ne prist cure.
Vint al roceit que li vilain
Or apelent le Salt Brandan.
Icil s’estent durement luin
Sur l’occean si cume un gruign.
E suz le gruign aveit un port
Par un la mer receit un gort,
Mais petiz ert e mult estreit —
Del derube veneit tut dreiz.
Altres, ço crei, avant cestui
Ne descendit aval cel pui.
Ci aloeces fist atraire
Mairen dunt sa nef fist faire,