Cette page n’a pas encore été corrigée
De ço faire qu’il lur charget.
Ne li abes ne nuit ne jurn
Des ureisuns ne fait tresturn
De ci que Deus li enveiat
Le angel del cel qui l’aveiat
De tut l’eire cum il irat ;
Enz en sun quer siL aspirat
Que tres bien veit e certement
Cum Deus voldrat seon alement.
Dunc prent cungé a ses freres,
As quels il ert mult dulz peres,
E dist lur ad de seon eire
Cument a Deu le voleit creire.
A sun prIur tuz les concreit,
Dist lui cument guarder les deit.
Cumandet eals lui obeïr,
Cum lur abét mult bien servir.
Puis les baiset Brandan e vait.
Plurent trestuit par grant dehait
Que mener ne volt lur peres
Fors quatorze de lur freres.