Cette page n’a pas encore été corrigée
Prïerent l’en ques meint od sei
Cum les seons filz soürs en fei.
Ço dist Brandan : Pur cel vos di
Que de vos voil ainz estre fi
Que jo d’ici vos en meinge,
Al repentir puis m’en prenge.
Cil promettent suurance
Pur eols ne seit demurance.
Dunc prent l’abes iceols esliz,
Puis que out oït d’els le diz ;
En capitel les ad menez.
Ileoc lur dist cum hoem senez :
Seignurs, ço que pensEd avum
Cum el est gref nus nel savum.
Mes prIum Deu que nus enseint,
Par sun plaisir la nus en meint ;
E enz el nun al Saint Espirit
Juine faimes que la nus guit,
E junum la quarenteine
Sur les treis jurs la semaine.
