Cette page n’a pas encore été corrigée
Par art de lui mult i vindrent
Qui al ordre bein se tindrent.
Tres mil suz lui par divers leus
Munies aveit Brandan li pius,
De lui pernanz tuz ensample
Par sa vertud que ert ample.
Li abes Brendan prist en purpens
Cum hoem qui ert de mult grant sens,
De granz cunseilz e de rustes,
Cum cil qui ert forment justes,
De Deu prïer ne faiseit fin
Pur sei e pur trestut sun lin,
E pur les morz e pur les vifs —
Quer a trestuz eret amis ;
Mais de une ren li prist talent
Dunt Deu prïer prent plus suvent
Que lui mustrast cel paraïs
U Adam fud primes asis,
