Page:Taxil - Traicté de lepilepsie, 1603.djvu/71

air nous les cõmunique encore plus fort, nous voyons cela tous les iours aux temps & faifons de l'année, en la mutatiõ des iours & des mois, le tout prouenant par le cours ordinaire & iournalier du Soleil par le Zodiaque, & de l'oppofition qu'il a auec les autres eftoiles, & felon que l'air eft par telle difpofition celefte efchauffé, humecté, refroidi, ou deffeché ; il produit de mefme le changement à noz corps, engendrant tantoft des maladies autumnales, tãtoft hyuernales, ores eftiuales, & autrefois vernales, ou printanieres : De toutes telles chofes, on en peut rendre raifon, & rapporter les effects fufdits à ces qualités manifeftes, que le ciel nous cõmunique par fa lumiere & mouuement : mais il y a d'autres propriétés & vertus au ciel, lefquelles nous font de mefmes communiquees ça bas, fans toutefois que les fens puiffent iuger quelles elles font ; mais font feulement fentir leurs effects, & telles vertus fõt appellees des medecins & aftrologues influences, il s'en pourroit donner vne milliaffe d'exemples : toutesfois pour n'attacher mon difcours à fi longue defoigne, i'en defduiray feulement quelques vnes en paffant des plus cognues & familieres comme la fecrette communication qu'à l'eftoile polaire auec l'aymant, lequel s'il a touché vne fois vne aiguille de boyffole, ou d'orloge folaire, on la voit toufiours tourner à cefte part, quoy qu'on tourne l'orologe à rebours, & au contraire. La fami- | liarité