rompre un pont dessous luy ; Cloelia y traversoit le Tybre à cheval ; Manlius y tenoit fort dans le Capitole ; les oyes resveilloient les sentinelles qui dormoient. Le poëte descrit cela tout de mesme que si toutes ces choses estoient arrivees en un mesme jour. Je voudrois bien sçavoir de quelle sorte cela pouvoit estre depeint en un mesme lieu. Car l’antienne Rome que Romulus avoit fondee n’estoit pas faicte comme elle estoit du temps des gaulois, et puis le moyen de representer une ville, tantost pleine de resjoüyssance, tantost de guerre, tantost assiegee par les etrusques, et tantost par les gaulois. Toutes ses diverses faces ne se peuvent depeindre ; et Virgile parle de tant de particularitez que pour les faire reconnoistre aussi naivement comme il
Page:Sorel - Le Berger extravagant, troisième partie, 1628.djvu/46
Cette page n’a pas encore été corrigée
