Cette page n’a pas encore été corrigée
d’autant qu’il luy à pû arriver d’une façon de s’aymer soy mesme, et à Fontenay d’une autre. Toutes les vies des hommes sont differentes, et par consequent leurs histoires en sont plus agreables. Pour ce qui est des nayades, encore que Zenocrite ayt trompé ce gentil berger, et luy ayt fait voir son image dans l’eau au lieu d’une nymphe, il ne s’ensuit pas qu’il n’y en ayt point. La belle qu’il avoit veüe le soir en estoit une, et je m’asseure qu’il l’a bien reconnu depuis. C’est pourquoy laissons le continuer son histoire, et nous verrons quelle fin eurent ses amours. Je vous ay tesmoigné dés tantost, reprit Fontenay, que ce n’a esté qu’en mon bas âge que j’ay crû qu’il
