Cette page n’a pas encore été corrigée
r sur l’autre hemisphere, et la nuict ostoit petit à petit ses rideaux dont elle avoit couvert la face du ciel, lors qu’il me souvint qu’il y avoit un magicien qui demeuroit proche de ce lieu, duquel je pouvois esperer du secours, s’il estoit possible que j’en receusse. Il n’y avoit point de bergers en tous nos quartiers qui n’eussent charge de prendre garde lors que leurs brebis avorteroient, afin d’escorcher leur fruict et de luy en porter la peau pour faire du parchemin vierge. Les femmes qui servoient à faciliter l’accouchement des autres, estoient aussi fort soigneuses de prendre ces coiffes deliées avec lesquelles il y a quelquefois des enfans qui naissent. Les chasseurs qui avoient accoustumé de chasser apres toute sorte d’oyseaux
