Page:Sorel - Le Berger extravagant, seconde partie, 1627.djvu/444

disoit que l’on mettoit sa teste dans une marmite, et jamais il ne voulut endurer que l’on luy abaissast la visiere. Hircan importuné de ses plaintes continuelles, luy fit accroire qu’encore que son corps fust aussi invulnerable que celuy de son maistre, il n’estoit pas si vaillant que luy, et que pour asseurer son courage, il estoit fort à propos de l’armer de pied en cap. Mais que me serviront ces armes ? Respondit-il, elles m’empeschent tellement, que je ne sçay où je suis. Je ne sçaurois porter mes mains à ma bouche ; je ne sçaurois avancer un pied l’un devant l’autre, et je suis si chargé qu’il me semble que je porte une tour. Ce fardeau te semblera leger à la longue, dit Hircan, et là dessus luy ayant encore donné en main une rondache