Cette page n’a pas encore été corrigée
ees. Tu les feras ces mignardes jouës parsemees de lys et de roses : et puis cette petite bouche dont les deux lévres sont des branches de corail. Que s’il estoit decent de les laisser entr’ouvertes, tu ferois ses dents qui sont deux rangs de perles fines : mais contente toy de cecy, et fay seulement apres son col et son beau sein de neige. Dés qu’Anselme eut ouy ce beau discours, comme il estoit des plus gentils du monde, il conceut une merveilleuse invention touchant ce tableau, et luy tardant qu’il ne fust au logis pour y travailler, il prit congé de Lysis. Lors qu’il fut party Adrian croyant que la folie de son cousin venoit de trop jeusner, lui voulut faire bonne chere, et lui demanda, s’il ne mangeroit
