Cette page n’a pas encore été corrigée
p248
Lysis voyant alors que Carmelin ne se mettoit point en devoir de luy chercher du linge, prit ses chausses et en tira un mouchoir qu’il luy donna pour luy bander le visage : mais il luy vint une grande difficulté en l’esprit, pource qu’il ne sçavoit qu’elle joüe c’estoit que Charite avoit enflee. Carmelin disoit qu’il ne s’estoit pas avisé de demander si c’estoit la droicte ou la gauche, tellement que son maistre luy dit que de peur de manquer, il luy faloit bander tout le visage. Carmelin repartit que cela ne seroit point à propos, et qu’il devoit atendre que le barbier fust venu pour aprendre de luy à quelle joüe il devoit avoir mal ; et tout aussi tost ayant donné charge au fils de Bertrand de mener son troupeau aux ch
