Cette page n’a pas encore été corrigée
uton. Clarimond ayant en suite de cecy tenu quelques discours à Lysis, le laissa pour s’en aller disner, et comme l’on eust servy devant luy un fort bon potage, il en envoya à ce pauvre malade. Tout le reste du jour la femme de son hoste eut beaucoup de soin de luy, et Carmelin estant revenu des champs au soir, fut bien curieux d’aprendre comment il se portoit ; il luy dit que son mal n’estoit rien pourveu que celuy de Charite fust passé, et que dés le grand matin il en vouloit avoir des nouvelles. Carmelin ne dormit donc guere ; il se leva auparavant que le jour fust venu, et s’en alla au chasteau d’Oronte. Chacun se levoit lors qu’il arriva, et ayant treuvé une servante de Leonor, il luy demanda si la maistresse du berger,
