Cette page n’a pas encore été corrigée
chacun s’en alla coucher, mais le triste Lysis ne put dormir. Il ne faisoit autre chose que repeter les paroles de Charite. Il dit à son valet qu’elles luy causoient une affliction pire que la mort : il y a bien dequoy se fascher, respondit Carmelin. Ne luy obeissons point en cecy, puis qu’elle ne le veut pas. Helas ! Reprit Lysis, voyla la mesme raison de Clarimond, mais je soustiendray à tout le monde que Charite à voulu dire qu’elle ne desiroit plus que j’obeisse à ce qu’elle m’a commandé par le passé. Quels estoient ces commandemens ? Dit Carmelin. C’estoit, respondit Lysis, que je ne luy parlasse qu’en secret. Vous voyla donc bien malade, continua Carmelin. Vous luy parlerez desormais en
