Cette page n’a pas encore été corrigée
Cette fille ayant connu par toutes les actions de Lysis, qu’il avoit veritablement beaucoup de passion, ne luy pouvoit plus vouloir de mal, joinct que d’ailleurs les autres servantes luy avoient mis à la teste, que quelque follie qu’il eust, elle ne laisseroit pas d’estre tres-heureuse si elle l’espousoit, veu qu’il estoit fort riche. Il est vray qu’Angelique ayant sçeu qu’elle avoit cette opinion, avoit tasché de la luy oster par malice, afin qu’elle fust rigoureuse envers son serviteur. Elle luy avoit apris de certaines choses pour dire à Lysis, quand il l’aborderoit, luy faisant acroire que cela luy feroit connoistre s’il l’aymoit ou non. Lysis l’ayant donc salüee, et luy ayant dit qu’il venoit se sousmettre encore à elle pour sçavoir
