Cette page n’a pas encore été corrigée
Lysis, y a t’il encore quelque chose à faire ? Ouy, respondit Charite, c’est qu’il faut que vous croyez tous les conseils que je vous donneray, de peur qu’on ne se moque de vous et de moy. Il n’estoit pas besoin de m’encharger cela, repliqua Lysis, je n’ay garde de manquer d’adjouster foy aux oracles de vostre bouche. Tandis que ce berger estoit sur ce propos, Anselme s’estoit aproché d’Angelique pour luy faire connoistre par ses discours l’affection qu’il avoit pour elle. Il n’eut d’elle aucune responce qui fust favorable, de sorte que s’imaginant qu’elle eust opinion qu’il aymast encore Genevre, comme elle avoit apris autrefois, il fit venir Montenor, qui de discours en
