Cette page n’a pas encore été corrigée
à Cupidon, on luy donneroit aussi une escoupette et un fourniment. Pour moy au lieu d’un flambeau, je luy mettrois une marotte en main, car toute son ardeur n’est qu’une folie. Quand au soleil au lieu d’aller dans un char, il iroit en carrosse, ou possible l’auroit-on mis dans une broüette : mais sur tout l’imagination seroit excellente, si l’on faisoit que ce globe lumineux qui nous esclaire en fust la rouë. Pour Saturne qui va lentement dans son ciel, il faudroit le mettre en lictiere, comme un bon vieillard qui a les gouttes. On accoustreroit ainsi tous les autres dieux, et j’ay presque envie de faire leurs fables de la sorte, afin qu’elles soient à la mode, et que l’on y conprenne quelque chose.
