Cette page n’a pas encore été corrigée
vous manifeste que j’ay esté surpris dans tous vos attraits qui se font bien sentir malgré que l’on en aye. Voyla qui est fort bien, dit Lysis, tu ne manques pas d’une syllabe, mais aussi tu tiens ton papier que tu as regardé du coin de l’oeil, et puis il y a bien autre chose à faire qu’à parler. C’est le tout que l’action, oste premierement ton chapeau, fay apres une reverence à la mode, conduy tes yeux languissamment, et remuant la main droite par mesure, joins le second doigt au poulce, comme font les orateurs en leurs declamations. En disant cecy Lysis faisoit tous ces gestes là, et Carmelin les imitoit le mieux qu’il luy estoit possible : mais son maistre luy
