Cette page n’a pas encore été corrigée
pas. Ayons soin de luy : sa perte seroit grande. Apres avoir dit cecy il alla par les champs d’un costé et d’autre, et chacun le suivit : il crioit tant qu’il pouvoit Carmelin, Carmelin, où és-tu ? Mon amy, mon mignon, mes delices, mes amourettes. Et voyant qu’il ne respondoit point, il dit il est mort sans doute, il luy faut eslever un cenotaphe, et faire son oraison funebre. Lysis se treuva enfin pres du ruisseau de Lucide, au long duquel il commença de cheminer en criant encore, où és-tu Carmelin, et tout en un instant il entendit une voix qui disoit, me voicy, mon cher maistre. Ayez pitié du plus miserable berger qui vive. Il s’avança alors à grand pas, et trouva le pauvre Carmelin à demy
