Cette page n’a pas encore été corrigée
rien maintenant que je n’aye desja espreuvé ; et puis il faut considerer que pour me monstrer loyal amant, je ne doy pas estre fasché d’avoir encore le moyen de servir Charite. Vostre constance est loüable, mon amy, dit Hircan, et sçachez qu’auparavant que de vous faire homme, j’ay bien pris la peine de monter au ciel, et de fueilleter le registre du destin qui est le greffier de Jupiter. C’est là que j’ay leu ce qui vous devoit avenir, afin de ne rien faire qui pust contrevenir à ses arrests. Lysis est donc bien obligé à Hircan, dit Clarimond ; mais berger sans vous interrompre, qu’avez vous fait de vostre valet Carmelin ? Helas ! Quand j’y songe, dit Lysis, je pense que les nymphes l’ont ravy. Il estoit cette
