Cette page n’a pas encore été corrigée
ou te vais-tu forger ces chimeres ? Je n’en parleray plus, dit Carmelin : aprenez moy seulement si je pourray voir les esbatemens que vous avez la nuict, sans estre du rang des arbres. Je n’en sçay rien, repartit Lysis, car les divinitez ont des corps si subtils que les hommes ne les sçauroient remarquer : toutefois l’espreuve ne t’en coustera rien. Le maistre et le valet eurent plusieurs autres entretiens sur ce sujet, et Carmelin se proposa enfin de participer aux avantures de Lysis, s’il estoit possible. La danse, et les baisers dont il luy avoit parlé luy chatoüilloient tellement l’esprit, qu’il avoit grand desir d’estre d’une compagnie où l’on passoit si bien
