Cette page n’a pas encore été corrigée
de lard. J’ay oublié à dire tantost une chose à Anselme, luy dit Lysis, je le devois prier de m’envoyer ma guytarre pour me resjouyr icy dans ma solitude, et principalement pour faire la musique les nuicts avec les autres divinitez. Pourquoy cela ne me seroit-il pas permis ? J’ay veu un cyprez qui jouë fort bien du violon. Nous avons icy les mesmes sciences que nous avions en nostre vie humaine, et nos exercices sont pareils. Je vous dy encore un coup, respondit Carmelin, que je ne croiray point qu’un cyprez jouë du violon que je ne le voye. Il y a un remede à tout cecy, repliqua Lysis, fais toy arbre, et tu verras toutes les merveilles de nos semblables. Pleust à Dieu que tu le voulusses
