Page:Sorel - Le Berger extravagant, 1628.djvu/775

tous ces gens cy pour tromper Lysis, s’imaginant qu’il y auroit autant de plaisir avec luy qu’au plus superbe balet du monde, et si l’on avoit fait acroire qu’il estoit muet, c’estoit de peur qu’il ne fust reconnu à sa parole. Or il n’avoit pas oublié à faire la leçon à toute sa troupe, afin que personne ne manquast à parler en termes poëtiques, et romanesques. Dés qu’ils furent en son chasteau ils se coucherent pour se reposer apres le divertissement qu’ils s’estoient donné, et cependant Lysis quoy qu’abusé, fut aussi satisfait qu’eux, croyant avoir veu en effet des divinitez qu’il n’avoit veuës auparavant que dans les imaginations que luy avoient donné ses livres, ce qui le rendit plus fou qu’il n’avoit jamais esté. Il fit tant qu’il rentra