Cette page n’a pas encore été corrigée
son escorce. Attendez, luy dit Lucide, nous vous donnerons un chapeau, vous n’en avez point, et personne de nous n’a eu l’esprit jusqu’à cette heure d’y prendre garde. Si vous demeuriez tousjours nu’teste vous gagneriez quelque rheume. Je suis exempt de ce mal, belle nymphe, respondit Lysis, une teste de bois comme est la mienne, n’est pas si tost offencee qu’une de chair et d’os, comme est celle d’un homme. Il est bien vray que pour avoir meilleure mine, il ne seroit pas mal seant d’avoir un chapeau ; mais quoy, je n’avois pas le mien quand je fus metamorphosé. Il fut exempt du changement ; si bien qu’il ne m’est pas propre, ny aucun autre non plus. J’enten bien vostre langage, dit Synope, vous
