Cette page n’a pas encore été corrigée
point les mysteres sacrez. Viença, escoute moy, puis que tu te rends paisible : le bras des dieux est il racourcy depuis le temps de ces anciens grecs qui ont escrit d’eux tant de rares choses ? Si autrefois on a veu des hommes changez en arbres, pourquoy n’en peut-on pas voir encore maintenant ? N’y a t’il que les autheurs du temps passé qui en ayent veu et qui en ayent parlé ? Que l’on lise l’Endymion qui a esté composé depuis peu, et l’on verra qu’Hermodan qui avoit l’honneur d’estre berger comme moy, fut metamorphosé en olivier sauvage, comme la bergere Diophanie sa maistresse avoit esté changee en myrthe. J’ay leu leur histoire qui est loüee et aprouvee de
