tellement que Lysis avoit envie d’apeller cette houlette doriverte, ou verdoree, et tous ces deux noms là luy semblans tresbeaux, il avoit bien de la peine à juger lequel il devoit retenir. En attendant qu’il en eust resolu il estoit quasi d’avis de prendre tous les deux, et en pensant à cecy, il s’en alloit tousjours chassant ses moutons devant soy. Il y en eut un qui entra dans une vigne ; les autres y allerent apres, et le chien aussi qui se mit à manger des raisins. Le berger mesme ne se pût abstenir d’en cueillir pour son desjeuné, mais comme il grapilloit d’un costé et d’autre, ne songeant presque plus à ce qu’il faisoit, tant il avoit l’esprit occupé à ses noms, un gros rustre de paysan, ayant une halebarde à la main le vint prendre au collet, et
