Cette page n’a pas encore été corrigée
l’enormité du cas d’avoir pollué cette maison, et outre cela d’avoir corrompu la chasteté d’un jeune adolescent qui estoit plus-net qu’Hypolite. Il estoit toute mon esperance, et j’avois resolu de le marier à la fille de mon fermier, avec laquelle il eust pu faire de beaux enfans en un lict legitime, et cependant le voyla gasté pour toute sa vie. Il a perdu son honneur ; sa plus belle rose est cueillie : personne ne voudra plus de luy. Au moins que nous ayons le plaisir de voir mourir celle qui en est cause, pour reparation d’un tel mal. Apres qu’Oronte eust ainsi harangué, Leonor demanda à Amarylle, si elle avoit quelque chose à dire contre cela. Elle respondit
p158
