Cette page n’a pas encore été corrigée
mit à réciter des vers dedans ma chambre en se regardant dedans le miroir, pour voir s’il avoit bonne grâce. J’arrivay comme il estoit en cet estat, et me moquay tant de luy, que s’il eust eu de la honte, il se fust repenty de ce qu’il avoit fait. Il n’a pas laissé depuis de s’estudier tous les jours à contrefaire le berger, et au lieu de houlette, il prenoit tantost un ballet, et tantost une ratissoire. Le plus souvent il prenoit des fourchettes qui estoient en mon arrière boutique ; elles luy estoient bien plus aysées, parce qu’elles estoient longues, et il m’en a rompu deux ou trois à appuyer négligemment sa jambe dessus en berger passionné comme il a veu faire à l’hostel de Bourgongne.
