Cette page n’a pas encore été corrigée
coup, sans avoir besoin de valet de chambre pour m’habiller ! ô que l’avanture que j’ay couruë est agreable, et que c’est une chose bien romanesque d’avoir couché sur la dure ! En achevant ce discours il sortit du boccage, et ayant tousjours sa guytarre en main, il se mit à en joüer pour salüer le nouveau jour, avec les oyseaux qui chantoient leur ramage. Il marcha tant qu’il arriva à un petit hameau, où n’ayant point d’autre contenance, il racloit tousjours quelques accords. Il y avoit 5 ou six petits enfans à une porte qui accoururent apres luy en chantant la guymbarbe, et le tirerent si fort qu’il falut qu’il s’arrestast à joüer devant eux pour les contenter. Il y en eut un qui alla crier à sa
