Cette page n’a pas encore été corrigée
p124
ceder ; et que l’on le trouvoit si redoutable que l’on ne l’osoit ataquer : mais il s’abusoit fort : l’on ne daignoit fraper un si malostru personnage, qu’on ne jugeoit pas capable de faire du mal à personne, et qui n’avoit autre pouvoir que de resister. Jupiter se douta bien que la Discorde avoit fait naistre la sedition, à cause que l’on ne tenoit pas assez de conte d’elle. L’on ne luy avoit pas porté son plat assez tost, et le sommeil qui avoit eu charge de l’aller faire dormir, de peur qu’elle ne vinst troubler la feste, s’estoit endormy luy mesme, apres s’estre enyvré dans la cuisine, avec ceux qui tournoient la broche, du nombre desquels il estoit. Comme elle vei
