Cette page n’a pas encore été corrigée
à Jupiter et à Pluton, demandant à l’un qu’il ne me frustre plus de mes droicts, et à l’autre qu’il rabaisse la ferme de ce batteau, dont je luy rens une somme excessive. Que si l’on ne me fait justice, je m’en iray au monde estre bastelier sur la riviere de Seine, où je gaigneray plus qu’icy. Or quoy que ce soit je pense qu’il m’y faudra bien resoudre, car mon amy Mercure il y a icy bien des nouvelles. Entre ces financiers que tu m’amenas dernierement, il y en a un qui est le plus meschant qui fut oncques. Il possede l’oreille de nostre roy, et luy donne de damnables avis. Il luy a proposé de faire bastir un pont sur ce fleuve, et luy a remonstré que cela sera bien plus commode que ma barque, d’autant qu’à
