Cette page n’a pas encore été corrigée
quels il luy faloit aller pour les assemblees generales, vola premierement à la septiesme sphere, et trouvant le destin, la nature, la fortune, Promethee, Janus, Terme, et quelques autres dieux avec Saturne dedans son palais, il s’aquita envers eux de sa charge. Delà il passa par le quatriesme ciel, et trouvant le soleil qui commençoit sa carriere, il parla à luy en costoyant son char sans le faire arrester. Ce dieu luy promit qu’il foüetteroit ses chevaux plus fermement qu’à l’ordinaire, et qu’il iroit aussi viste que s’il prenoit des relais à la maison de chaque signe, afin de se treuver plustost au lieu où il estoit mandé. Mercure l’ayant quitté descendit en terre parce que ny Mars ny Venus ny la lune
