Cette page n’a pas encore été corrigée
le pont Nostre Dame, lors que Lysis ayant regardé la boutique d’un peintre cria, arreste, arreste, cocher, nous avons affaire icy. Le carrosse estant arresté, il dit à Anselme, voyez vous que les peintres de Paris ont desja ouy parler de moy. Tenez ils m’ont peint avec mon habit de berger et ma houlette. Anselme regarda et vid un berger en peinture dedans cette boutique, qui par hazard avoit bien de l’air de Lysis. Ils descendirent aussi tost pour le voir de plus pres, et Lysis estant entré là, demanda où estoit le maistre. Quand il fut venu, il luy dit, je vous ay de l’obligation de ce que vous avez pris la peine de me vouloir peindre, mais je trouve icy quelques deffaux, corrigez
