Cette page n’a pas encore été corrigée
les garderay toute ma vie. Elle n’en eut pour lors autre chose ; mais bien long-temps apres comme il pensoit s’en aller avec Anselme, elle s’en vint crier à Angelique, mademoiselle, s’il vous plaist de le retenir : il m’a desrobé un bas de collet ; qu’il ne sorte point qu’il ne me l’ait rendu. Ha berger ! Luy dit Angelique, vous avez tort de desrober ainsi les filles en une maison où l’on vous fait si bon accueil. Chere nymphe, respondit Lysis, je ne suis larron que des cœurs et des volontez : pour le linge que demande Charite, l’amour me l’a baillé justement ; si je le rendois, il en rougiroit de colere, et ne me voudroit plus connoistre
