Cette page n’a pas encore été corrigée
s’en fit un bracelet. Charite à qui cela ne plaisoit point, luy dit qu’il avoit tort de gaster ainsi sa laine, tellement qu’il luy fit cette belle plainte. Comment, rigoureuse, refusez vous cette chetive faveur à celuy qui souffre tant de supplices en vous aymant ? N’avez-vous pas veu que l’on donne des colliers aux chiens des grands princes où leurs armes sont atachees, afin qu’en quelque lieu qu’ils aillent, l’on dise aussi tost, ils sont à un tel ? Ne sçavez vous pas aussi que l’on trouva une fois un cerf dans une forest avec un collier d’or, où certaines lettres estoient gravees, lesquelles faisoient paroistre qu’il avoit apartenu il y avoit plus de cinquante millions d’annees à Alexandre Le Grand ?
