Cette page n’a pas encore été corrigée
et si ce papier estoit en lieu ou il peust estre aperceu de sa maistresse. Gringalet dit qu’il n’en doutoit point, mais Lysis luy remonstra que sa satisfaction n’estoit pas encore entiere, et qu’il vouloit monter à la fenestre qui estoit au dessus de la porte pour tascher de voir Charite dans sa chambre et parler à elle, et que pour se monstrer vray amant, il faloit estre importun jusques là. Le laquais qui ne sçavoit qui estoit Charite, laquelle il ne connoissoit point sous autre nom que celuy de Catherine, ne le divertist point de son dessein, et posa l’eschelle où il voulut. Lysis monte et trouvant que cette fenestre est bien plus basse que l’autre, il en est fort resjouy, et se resout de baiser l’apuy avant toute
