Cette page n’a pas encore été corrigée
homme remarquant à toutes ses gausseries, qu’il tenoit fort Genevre dedans le mespris, vid bien qu’il avoit engagé son cœur ailleurs. Il luy demanda qui estoit sa nouvelle maistresse : il luy dit franchement que c’estoit Angelique fille d’un partisan, qui estoit mort depuis peu de temps. Montenor qui la connoissoit, et sçavoit bien qu’elle estoit fort belle et fort riche, ne le voulut pas divertir de sa recherche, et luy dit, sçachez que comme Genevre pleuroit vostre perte, elle l’a reparee par l’acquisition d’un aussi fidelle amant, lequel il faudra qu’elle espouse maintenant quelle ne doit plus esperer en vous. Il faut que je m’en retourne vistement à Paris, pour l’y disposer, car je m’asseure qu’elle conte
