Cette page n’a pas encore été corrigée
les heros des romans, il se faisoit paroistre assez raisonnable, et avoit assez de jugement de reste pour sçavoir ce qui luy pouvoit nuire ou profiter. Toutesfois les gens de la maison eurent charge de prendre garde à ce qui arriveroit, et enfin sa lumiere estant faillie, chacun dormit en repos, et luy aussi. Le matin venu il se leva et alla voir son hoste qui commençoit de s’habiller. Anselme l’entretenoit de quelques propos à bastons rompus, sur les divers effets de l’amour, lors qu’il vid entrer dans sa cour un gentilhomme de ses amis appellé Montenor. Il s’en alla vistement le recevoir, et fut à luy comme il descendoit encore de cheval. Il le fit entrer dans la salle, luy témoignant
