Cette page n’a pas encore été corrigée
yant dit cela il le remena à la maison, et ce berger s’estant bien estendu et bien frotté, connut que son mal n’estoit pas si grand qu’il avoit jugé, et quand l’on luy demandoit quel costé luy faisoit de la douleur, il monstroit l’espaule droite, et comme l’on luy asseuroit que l’on n’y voyoit point de meurtrisseure, il disoit, je pense que c’est donc l’autre. Pour le guerir entierement de son mal imaginaire, Anselme le fit frotter par tout d’un certain unguent qui ne faisoit ny bien ny mal, et cependant en attendant le souper, il s’alla enfermer dans son cabinet, où il acheva le portraict de Charite, auquel il avoit travaillé dès le grand matin. Dés qu’il eut
