dessoubz du dict tableau les douze apostres en destrampe on grisailhe sur la muraille avec leurs armes.
Et moy dict Pradier prometz audit sieur Francoys de faire grossoyer et blanchir ladite muraille à mes fraitz et despans et en oultre prometz de payer audict sieur François la somme de cinq cent livres, tant pour ledit tableau, quadre que apostres susdicts.
Et moy dict François prometz par-dessus ledict tableau et apostres donner audict Sr Pradier son pourtrait et ung petit tableau separé ensemble celuy de Damlle Catherine Dorvy sa belle sœur.
L’an mil six cent trente deux et le dixiesme jour du mois de septambre après midy par devant moy nore royal soubsigné et tesmoingtz soubz nommés et sons personnellement establis monsieur Me Jacques Pradier, chanoyne esglise cathédrale Nostre-Dame du Puy d’une part, et Sr Guy François, paintre de la ville du Puy d’aultre, lesquelles parties mutuelles stipulations intervenant ont promis rattifier et confirmer les susdicts pactes entre eulx passés et promis par ses présentes d’iceulx inviolablement observer à quelles fins et en déduction de la somme de cinq cent livres y contenues ledict Pradier a illec reellement payés audict Sr François la somme de deux cent livres en escus sol monnoye compté et nombré et par ledict Sr François recue et emboursée en présence de nous dict nore et tesmoingtz dont ledict est comptant et en acquitté et quitte ledict Sr Pradier avec promesses de ne la lui plus demander, et les trois cent livres restantz ledict Sr Pradier a promitz et prometz payés audict Sr François le 24e du mois de mars prochain, veille de l’annunciation Notre-Dame en l’année qu’on comptera mil six cent trente trois, auquel jour ledict François a promis et prometz devoir le tout fait et parachevé ledict tableau et rendu en estatz au lieu pourté par les susdicts pactes et ainsin les dictes parties respectivement, l’ont promis et juré.
Fait au Puy, maison dudict sieur Pradier, présants Volle, Bernard, Besson, praticien, soubsignés, lesdictes parties et moy, notaire royal soubsigné et recepvant.
