IV
Ordonnance de l’évêque Antoine de Sénectère.
Nous ayans entendu les plaintes et doléances des habitans de ce pays de Vellay du tenement des champs de plusieurs capitainnes et soldatz lesquels sans comission du Roy, de monsieur le mareschal de Dampville ny de nous et sans nous en advertir, affin de leur faire pourvoir des vivres et munitions par estappes suyvant les ordonnances du Roy, entrent et sejournent dans cedict pays de Vellay ou ils comettent plusieurs excès et mettent en grande despence les subjects du Roy, nous ordonnons que ne sera loisible ny permis a aucun capitainne ny autres gens de guerre d’entrer ny passer dans cedict pays de Vellay sans exprès mandement de Sa Majesté ou notre, et aux contrevenans permettons aux habitans des villes et mandemens de cedict pays de leur courir sus et les rompre comme ennemys de repos public. Faict au camp de Tense ce XIIe may 1574.
A. de Senecterre, Sainct-Vidal.
Au dos :
« Ordonnance pourvoiant au tènement des champ donnée au camp de Tense le XIIe may 1574. »
