vel extra manum ponendi aut dandi pro ea aliquam financiam, perpetuo possidendi licentiam et aucthoritatem pari gratia et ex certa nostra scientia harum serie concedentes ; quod ut firmum et stabile permaneat in futurum, nostrum præsentibus litteris apponi fecimus sigillum. Datum Parisiis[1] anno Domini millesimo trecentesimo quadragesimo tertio, mense Januarii, per dominum regem ad relationem consilii stantis in camera computorum. De mandate ipsius domini regis per litteras. Clavel. » Petebat et requirebat ac diu etiam petierat in curia venerabilis parlamenti Parisiensis annullari et retractari seu potius penitus revocari, quod asserebat debere fieri obviantibus hujusmodi gratiæ quamplurimis gratiis aliis et privilegiis concessis per regiam majestatem retroactis temporibus suæ Aniciensi ecclesiæ supradictæ, et super hoc inter partes prædictas causa pariter in prædicta parlamenti curia diutius agitata fuisset et adhuc pendeat per continuationem de ea factam usque ad diem senescalliæ Bellicadri tunc futuri proximo parlamenti, fueritque concessum per dictam parlamenti curiam memoratis partibus quod interim absque emenda super questione prædicta valeant concordare, prout constat latius per patentes litteras regias sigillo castelleti Parisiensis impendente sigillatas continentiæ subsequentis : « Philippus Dei gratin Francorum rex, universis præsentes litteras inspecturis salutem. Notum facimus quod causa principalis super facto ejus quod dicitur consulatus in Anicio in parlamenti nostri curia pendens inter dilectum et fidelem nostrum episcopum Aniciensem ex parte una, et procuratorem nostrum et dicentes se consules de Anicio ex parte altera, in qua causa concordati sunt hinc inde articuli et curiæ prædictæ traditi, continuata est in statu et quod commissarii non dabuntur, nec tenebuntur prædictæ partes coram commissariis in illa causa procedere propter mortalitatem gentium quæ est in illis partibus, usque ad diem senescalliæ Bellicadri nostri futuri proximo parlamenti, concessis etiam dicta curia nostra dictis episcopo et dicentibus se consules quod interim concordare possint absque emenda et quod accordium apportent ad diem prædictam. Datum Parisius in parlamento nostro, de nostri ac magistrorum Petri Meruli et Giraudi de Nogerio dictarum partium procuratorum consensu, die vicesima septima Aprilis anno Domini millesimo trecentesimo quadragesimo nono, sub sigillo castelletti nostri Parisiensis in absentia magni, per cameram G. Marpani dapiferi… » Et demum super hoc per bonæ memoriæ
- ↑ C : Parisius.
